【MyGut者言】煞停螞蟻全因技術疏忽？ - 徐家健 - 香港蘋果日報

dimanateknologi.blogspot.com

同意張化橋，螞蟻上市煞停與馬雲近日言論關係不大。然而，「民企之父」認為這純粹出於一個技術上的疏忽，這點我有保留。張化橋的分析是這樣的：螞蟻認為本身並非銀行，所以上市前以為中證監批准便可以，而沒有徵求銀保監會同意，也沒有找人行協調。

我的質疑是，就算張化橋所說全屬事實，當中國對外宣稱大搞「雙循環」，上市前兩天緊急煞停史上最大規模的IPO，這真的是一句技術疏忽那麼簡單嗎？

就這事件，本地評論員分析得最具啟發性的首推蕭若元。擁有豐富上市公司及借貸行業經驗的老蕭，比張化橋更早提出上市前螞蟻、銀保監和人行未有足夠溝通，但他強調監管機構一方面高估螞蟻的金融風險，另一方面亦不明白把螞蟻當傳統銀行監管是變相強迫上市保薦人煞停上市。換句話，煞停史上最大規模IPO的是上市保薦人，而他們這樣做的原因是監管機構上市前兩日的臨時行動與原本市場期望有重大落差，導致市場覺得有必要重估螞蟻的市值。

Babe問：「點解咁唔算技術上疏忽呀？」

我答：「如果我同你簽紙結婚兩日前先煞停，就算係我冇問妳阿媽意見，都唔止係技術上疏忽囉。喺監管經濟學眼中，唔理開口煞停嘅係監管機構定係上市保薦人，咁急煞停，一定係監管都出咗問題。」

Babe再問：「我有話要結婚咩？」

我再答：「結唔結婚都好，我同妳一齊有妳阿媽祝福都係好事。監管出咗最大嘅問題，係螞蟻唔上市就好地地，差兩日就上市銀保監同人行先出聲，咁會俾國際市場覺得喺中國做生意好冇保障。」

徐家健

美國克林信大學經濟系副教授

fb.com/economics3.0/

Let's block ads! (Why?)